AP News: కన్నీళ్ల కడలిలో అంతిమ సంస్కారం

ఇటీవల కురిసిన భారీ వర్షాలకు అంత్యక్రియలు కూడా చేయలేని దుస్థితి నెలకొంది. ఎక్కడ తవ్వినా నీరు ఉబికి వస్తోంది. కడప నగరంలో మంగళవారం ఓ వ్యక్తి మృతిచెందాడు. శ్మశానంలో అంత్యక్రియలు చేసేందుకు మృతదేహాన్ని బంధువులు తీసుకెళ్లారు. ఎగువ ప్రాంతం నుంచి వస్తున్న నీటితో శ్మశానం మొత్తం జలమయమైంది. గొయ్యి తవ్వుతుంటే నీళ్లు ఉబికి వచ్చాయి. దీంతో జేసీబీతో నీటిలోనే గొయ్యి తవ్వారు. మృతదేహాన్ని నీటిలో ముంచి ట్రాక్టరుతో మట్టి తీసుకొచ్చి కప్పిపెట్టారు. అంత్యక్రియలు ఇలా చేయడం బాధగా ఉందని బంధువులు ఆవేదన వ్యక్తం చేశారు.

- న్యూస్‌టుడే, కడప(చిన్నచౌకు)