Andhra News: ఇన్‌స్టాగ్రామ్‌లో పరిచయం.. బద్వేలుకు గుజరాత్‌ యువతి

అమ్మాయిని స్వరాష్ట్రానికి పంపిన భాజపా జిల్లా అధ్యక్షుడు

కడప, న్యూస్‌టుడే: గుజరాత్‌కు చెందిన ఓ యువతికి, వైయస్‌ఆర్‌ జిల్లా బద్వేలుకు చెందిన ఓ యువకుడు ఇన్‌స్టాగ్రామ్‌ ద్వారా పరిచయమై, ప్రేమించుకున్నారు. దీంతో యువతి బద్వేలుకు వచ్చేసింది. ఆమె తల్లిదండ్రులు గుజరాత్‌లో కేసు నమోదు చేశారు. ఆ రాష్ట్ర పోలీసులు 5 రోజుల కిందట  బద్వేలుకు వచ్చారు. విషయం తెలుసుకున్న భాజపా జిల్లా అధ్యక్షుడు యల్లారెడ్డి బద్వేలుకు వెళ్లి అమ్మాయిని ఒప్పించి తిరిగి గుజరాత్‌కు పంపించారు. ఈ విషయంలో జిల్లా ఎస్పీ అన్బురాజన్‌, పోలీసుల సహకారం బాగుందని భాజపా జాతీయ కార్యదర్శి సునీల్‌ దేవధర్‌ తెలిపారు.