పైన హుషారు.. లోపల ఉసూరు

న్యూస్‌టుడే, నంద్యాల గాంధీచౌక్‌: రంగులు వేసి బయట జిగేలుమనిపించారు. లోపల అరకొర వసతులతో ఉసూరుమనిపిస్తున్నారు. ఇదీ టిడ్కో ఇళ్ల పరిస్థితి. నంద్యాలలో 3 చోట్ల 10,000 టిడ్కో గృహాలను నిర్మిస్తున్నారు. అందులో 4100 వరకు పూర్తయ్యాయి. గత ప్రభుత్వ హయాంలో 80 శాతం పనులు పూర్తికాగా, వైకాపా అధికారంలోకి వచ్చాక మూడున్నరేళ్లయినా మిగిలిన పనులను పూర్తి చేయలేదు. నెల క్రితం మంత్రి, ప్రజాప్రతినిధుల సమక్షంలో హడావుడిగా కొన్ని ఇళ్లకు గృహప్రవేశం చేశారు. ఇంకా చాలా ఇళ్లకు నీటి సౌకర్యం లేదు. రహదారులు పూర్తి కాలేదు. పార్కుల ఏర్పాటు ఊసే లేదు. డ్రైనేజీలు పూర్తిస్థాయిలో లేవు.