మూడో విడత ఆసరా నేడు

10 రోజుల పాటు డ్వాక్రా మహిళల ఖాతాల్లో జమ

ఈనాడు డిజిటల్‌, అమరావతి: డ్వాక్రా సంఘాల్లోని 78.94 లక్షల మంది మహిళల బ్యాంకు ఖాతాల్లో మూడో విడత కింద రూ.6,419 కోట్ల ఆసరా సాయాన్ని శనివారం నుంచి జమ చేయనున్నారు. ఏలూరు జిల్లా దెందులూరులో నిర్వహించనున్న సభలో ముఖ్యమంత్రి జగన్‌ బటన్‌ నొక్కి లాంఛనంగా ప్రారంభించనున్నారు. ఏప్రిల్‌ 5 వరకు 10 రోజుల పాటు ఈ కార్యక్రమం కొనసాగనుంది. తాజాగా విడుదల చేయనున్న రూ.6,419.89 కోట్లతో కలిపి ఇప్పటివరకు ఆసరా కింద రూ.19,178 కోట్లు అందించినట్లు ప్రభుత్వం ఓ ప్రకటనలో పేర్కొంది.