Mahindra: ఏప్రిల్‌లో మహీంద్రా వాహన అమ్మకాలు 70,471 యూనిట్లు

దిల్లీ: 2024 ఏప్రిల్‌లో మహీంద్రా మొత్తం (హోల్‌సేల్‌) అమ్మకాలు 13% పెరిగి 70,471 యూనిట్లకు చేరుకున్నాయి. గతేడాది ఇదే కాలంలో మొత్తం అమ్మకాలు 62,294 యూనిట్లు. ఈ ఏడాది ఏప్రిల్‌లో ప్రయాణికుల వాహన అమ్మకాలు 18 శాతం పెరిగి 41,008 యూనిట్లకు చేరుకున్నాయి. గతేడాది ఇదే కాలంలో ఈ అమ్మకాలు 34,698 యూనిట్లు. మొత్తం ఎగుమతులు గత నెలలో 1,813 యూనిట్ల నుంచి 2 శాతం పెరిగి 1,857 యూనిట్లకు చేరుకున్నాయి. ఈ ఏప్రిల్‌లో ట్రాక్టర్‌ విక్రయాలు 2 శాతం పెరిగి 37,039 యూనిట్లకు చేరాయని, గతేడాది ఇదే నెలలో విక్రయాలు 36,405 యూనిట్లుగా ఉన్నాయని కంపెనీ తెలిపింది.