Kerala: స్నేహితుడి ప్రైవేటు భాగాల్లో కంప్రెషర్‌ పంపుతో గాలి కొట్టాడు

ఓ వలసకూలీ సరదా కోసం చేసిన పని స్నేహితుడి ప్రాణాలు తీసింది. అస్సాంకు చెందిన మింటూ, సిద్దార్థ్‌ పని కోసం కేరళకు వలస వచ్చారు. వీరిద్దరూ స్నేహితులు. సిద్దార్థ్‌ సరదాగా మింటూ ప్రైవేటు భాగాల్లోకి కంప్రెషర్‌ పంపుతో గాలి కొట్టాడు. దీంతో ఒక్కసారిగా మింటూ కడుపు ఉబ్బిపోయింది. భయపడిపోయిన సిద్దార్థ్‌.. మింటూను ఆస్పత్రికి తరలించాడు. పరీక్షించిన వైద్యులు అప్పటికే అతడు మరణించినట్లు ధ్రువీకరించారు. తన స్నేహితుడు మింటూ హఠాత్తుగా స్పృహ తప్పి కింద పడిపోయాడని సిద్దార్థ్‌ వైద్యులకు చెప్పాడు. అనుమానించిన వైద్యులు.. పోలీసులకు సమాచారం అందించారు. పోలీసు విచారణలో సిద్దార్థ్‌ తన నేరాన్ని అంగీకరించాడు.