కాణిపాకం ఆలయ పాత రథచక్రాలకు నిప్పు

కాణిపాకం, న్యూస్‌టుడే: కాణిపాకం వినాయకస్వామి ఆలయ పాత రథచక్రాలకు గుర్తు తెలియని వ్యక్తులు నిప్పు పెట్టడంతో కాలిపోయాయి. స్వామివారి దివ్యరథం చక్రాలు పాడవడంతో పదేళ్ల కిందట వాటిని తొలగించి, కొత్తవి అమర్చారు. పాతచక్రాలను ఆలయ వెనుక భాగంలో వదిలేశారు. గురువారం కాలిన స్థితిలో గుర్తించిన అధికారులు ఎస్పీకి ఫిర్యాదు చేశారు. స్థానిక ఎమ్మెల్యే ఎంఎస్‌ బాబు, ఆలయ పాలకమండలి ఛైర్మన్‌ ఎ.మోహన్‌రెడ్డి, ఇన్‌ఛార్జి ఈవో కస్తూరి ఘటనా స్థలాన్ని పరిశీలించారు.