Amala paul: నటి అమలాపాల్‌ ఫిర్యాదుతో ఒకరి అరెస్టు

చెన్నై, న్యూస్‌టుడే: నటి అమలాపాల్‌ ఫిర్యాదుతో ఆమె స్నేహితుడిని తమిళనాడు పోలీసులు అరెస్టు చేశారు. విళుపురం జిల్లా పోలీసులకు అమలాపాల్‌ ఓ ఫిర్యాదు చేశారు. అందులో... సినీ పరిశ్రమలోని పరిచయం మేరకు భవ్‌నిందర్‌సింగ్‌ దత్‌ అలియాస్‌ భువి, ఆయన కుటుంబసభ్యులు, మిత్రులతో కలిసి తాను ఓ సినీ సంస్థను ప్రారంభించినట్టు తెలిపారు. దీనికోసం 2018లో విళుపురం జిల్లా పెరియముదలియార్‌ చావడిలో ఓ ఇంటిని బాడుగకు తీసుకున్నామన్నారు. తర్వాత విభేదాలతో విడిపోయామని వెల్లడించారు. తాను సన్నిహితంగా ఉన్నప్పటి ఫొటోను సామాజిక మాధ్యమాల్లో పోస్టు చేస్తానని భవ్‌నిందర్‌సింగ్‌ దత్‌, అతని బంధువులు బెదిరించి డబ్బు, ఆస్తులను కాజేశారని పేర్కొన్నారు. 16 సెక్షన్ల కింద కేసు నమోదు చేసిన పోలీసులు భవ్‌నిందర్‌ సింగ్‌ దత్‌ను మంగళవారం అరెస్టు చేశారు. కేసు దర్యాప్తులో ఉంది.