ప్రైవేటు ఆసుపత్రిలో విద్యుదాఘాతం

భద్రాచలం, న్యూస్‌టుడే: భద్రాచలంలోని ఖమ్మం ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ ఆసుపత్రిలో సోమవారం చోటుచేసుకున్న విద్యుత్తు ప్రమాదం భయాందోళనలు కలిగించింది. మూడంతస్తుల్లో నిర్మించిన ఈ ఆసుపత్రిని ఇటీవల ప్రారంభించారు. కింది భాగంలో స్కానింగ్‌ విభాగం ఉంది. సాయంత్రం 6.30 గంటలకు షార్ట్‌సర్క్యూట్‌ వల్ల స్కానింగ్‌ యంత్రాల్లో పొగలు, మంటలు వచ్చాయి. అక్కడి నుంచి పొగ అన్ని గదులకూ వ్యాపించడంతో ఊపిరాడక రోగులు, ఇతరులు ఆందోళన చెందారు. ఐసీయూ, సాధారణ వార్డుల్లో చికిత్స పొందుతున్న రోగుల్లో సుమారు 12 మందిని నిర్వాహకులు పట్టణంలోని వేర్వేరు ఆసుపత్రులకు తరలించారు.