Mother tortured son: చిత్తూరులో కన్నతల్లి కిరాతకం: బిడ్డను హింసించి.. ఆపై వీడియో తీసి..!

సోమల: చిత్తూరు జిల్లా సోమల మండలం రాంపల్లిలో తులసి అనే మహిళ కన్న బిడ్డపై కిరాతకంగా ప్రవర్తించింది. ఆమె చేతిలో చిత్రహింసలకు గురైన చిన్నారి ప్రదీప్ పరిస్థితి ప్రస్తుతం విషమంగా ఉంది. వివరాల్లోకి వెళ్తే.. తమిళనాడు విల్లుపురం జిల్లా వాసి వడివేలన్‌కు చిత్తూరు జిల్లాకు చెందిన తులసితో వివాహం జరిగింది. విభేదాల కారణంగా భర్తకు దూరమైంది. చిత్తూరు జిల్లా అనిపల్లిలో కుమారుడితో కలిసి తన తండ్రి వద్ద ఉంటోంది. అనిపల్లిలో కన్న బిడ్డ ప్రదీప్‌ను చిత్రహింసలకు గురిచేసింది. అంతటితో ఆగకుండా కుమారుడిని హింసిస్తున్న  దృశ్యాలు వీడియో తీసి భర్తకు పంపించింది. వడివేలన్‌ ఫిర్యాదు మేరకు కేసు నమోదు చేసిన పోలీసులు తులసిని అదుపులోకి తీసుకొని విచారిస్తున్నారు.