Crime news: నీలి చిత్రాలు చూపించిన టీచర్‌పై చర్యలు తీసుకోవాలని ధర్నా

సత్తెనపల్లి: గుంటూరు జిల్లా సత్తెనపల్లి శాలివాహన్‌ నగర్‌ ఉర్దూ పాఠశాలలో విద్యార్థినుల పట్ల ఉపాధ్యాయుడు అనుచితంగా ప్రవర్తించాడని ఆరోపిస్తూ తల్లిదండ్రులు ఆందోళనకు దిగారు.  హుస్సేన్‌ అనే ఉపాధ్యాయుడు కొంతకాలంగా తమతో అసభ్యంగా ప్రవర్తిస్తున్నారని, నీలిచిత్రాలు చూపిస్తూ లైంగికదాడి చేస్తున్నారని విద్యార్థినులు తల్లిదండ్రులకు తెలిపారు. దీంతో విద్యార్థినుల తల్లిదండ్రులు పాఠశాల వద్దకు చేరుకుని ఆందోళనకు దిగారు. టీచర్‌ హుస్సేన్‌పై చర్యలు తీసుకోవాలని పోలీసులకు ఫిర్యాదు చేశారు. అనంతరం రహదారిపై ధర్నా చేపట్టారు. కేసు నమోదు చేసిన పోలీసులు విచారణ జరుపుతున్నారు.