TSPSC: టీఎస్‌పీఎస్సీ పేపర్‌ లీక్‌.. పోలీసుల అదుపులో 13 మంది

హైదరాబాద్‌: టీఎస్‌పీఎస్సీ పేపర్‌ లీక్‌ వ్యవహారంలో పోలీసులు దర్యాప్తును ముమ్మరం చేశారు. సంచలనం సృష్టించిన ఈ సంఘటనకు సంబంధించి 13 మందిని అదుపులోకి తీసుకుని విచారిస్తున్నారు. ఈ కేసులో ప్రధాన నిందితుడు టీఎస్‌పీఎస్సీ ఉద్యోగి ప్రవీణ్‌గా తేలింది. టీఎస్‌పీఎస్సీ కార్యదర్శి పీఏగా ఏఎస్‌వో ప్రవీణ్‌ పనిచేస్తున్నారు. పొరుగు సేవల ఉద్యోగి రాజశేఖర్‌ను పోలీసులు అదుపులోకి తీసుకుని విచారిస్తున్నారు. పేపర్‌ లీకేజ్‌కు సంబంధించి ఓ మహిళ ద్వారా అభ్యర్థులతో రూ.10 లక్షలకు ఒప్పందం కుదుర్చుకున్నట్లు సమాచారం. సదరు మహిళకు సహకరించే క్రమంలో ఈ వ్యవహారం బయటపడింది. దీనికి సంబంధించి పోలీసులు రేపు మీడియా సమావేశంలో పూర్తి వివరాలు వెల్లడించే అవకాశం ఉంది.