Crime news: చిన్నారి హత్యాచార ఘటన.. ఆర్టీసీ సిబ్బంది అప్రమత్తంగా ఉండాలి: సజ్జనార్‌  

హైదరాబాద్‌: సైదాబాద్‌లో ఆరేళ్ల బాలిక హత్యచార ఘటనలో నిందితుడు పల్లకొండ రాజు కోసం పోలీసులు ముమ్మర గాలింపు చర్యలు చేపట్టారు. నిందితుడికి సంబంధించిన ఆనవాళ్లతో కూడిన పోస్టర్‌ను విడుదల చేశారు. నిందితుడి సమాచారం అందించినవారికి రూ. 10 లక్షలు అందిస్తామని ప్రకటించారు. మరోవైపు ఆర్టీసీ ఉద్యోగులు అప్రమత్తమయ్యారు. ఆర్టీసీ సిబ్బంది నిందితుడిని గుర్తిస్తే వెంటనే సమాచారం అందించాలని ఆ సంస్థ ఎండీ సజ్జనార్‌ సూచించారు. నిందితుడు మద్యం మత్తులో బస్టాండ్లలో నిద్రపోయే అవకాశం ఉందని, సమాచారం తెలిసిన వారు పోలీసులకు సమాచారం ఇవ్వాలని ఆయన సూచించారు. 94906 16366, 94906 16627 నంబర్లకు సమాచారం తెలియజేయాలని సజ్జనార్‌ తెలిపారు.