‘గుడివాడకు పట్టిన పీడ కొడాలి’

గుడివాడ గ్రామీణం, న్యూస్‌టుడే: గుడివాడకు పట్టిన పీడ కొడాలి నానీ అని.. ఆ పీడ అతి త్వరలో విరగడ అవుతుందని తెదేపా రాష్ట్ర విద్యార్థి విభాగం అధికార ప్రతినిధి పొట్లూరి దర్షిత్‌ అన్నారు. స్థానిక తెదేపా కార్యాలయం ప్రజా వేదికలో మంగళవారం ఆయన విలేకరులతో మాట్లాడారు. నాని గ్యాంగ్‌ చేస్తున్న అక్రమాలకు నియోజకవర్గ ప్రజలు విసుగు చెందారని..ఈ సారి ఓటమి తప్పదన్నారు. వంగవీటి రాధాను ఎదగకుండా చేసింది మీరు కాదా?, వల్లభనేని వంశీ ఎంపీగా నిలబడినప్పుడు ఆయన వద్ద రూ.9 కోట్లు తీసుకుని కిళ్లీ నమిలినట్లు నమిలేశారని వంశీ ప్రకటించలేదా?, యార్లగడ్డ వెంకట్రావు నుంచి రూ.19 కోట్లు తీసుకొని స్నేహానికి వెన్నుపోటు పొడిచిన చరిత్ర మీది అని ఆరోపించారు. మాజీ ఎమ్మెల్యే రావి వెంకటేశ్వరరావు తదితరులు పాల్గొన్నారు.