logo
Published : 09/12/2021 04:05 IST

మాజీ సర్పంచి దారుణ హత్య

పెదనెమలిపురిలో పురివిప్పిన పాతకక్షలు

శ్రీనివాసరావు (పాతచిత్రం)

రాజుపాలెం, న్యూస్‌టుడే: రాజుపాలెం మండలం పెదనెమలిపురిలో పాతకక్షలు పురివిప్పాయి. పొలం నుంచి ఇంటికొస్తుండగా మాజీ సర్పంచి కొర్రకూటి శ్రీనివాసరావు(47)ను ఇనుపరాడ్డుతో బలంగా కొట్టడంతో అక్కడికక్కడే మృతిచెందాడు. స్థానికులు, పోలీసులు తెలిపిన వివరాల ప్రకారం గ్రామంలో ఒకే సామాజిక వర్గానికి చెందిన ఇరు కుటుంబాల మధ్య కొన్నేళ్లుగా ఆధిపత్య పోరు జరుగుతోంది. ఈ క్రమంలో బుధవారం ఉదయం పొలం నుంచి ద్విచక్ర వాహనంపై ఇంటికి వస్తున్న శ్రీనివాసరావును పోలేరమ్మ ఆలయం వద్ద కుర్రా వీరనారాయణ అడ్డగించాడు. దుర్భాషలాడుతూ అప్పటికే తన వెంట తెచ్చుకున్న ఇనుపరాడ్డుతో తల, శరీరంపై విచక్షణా రహితంగా మోదగా తీవ్ర రక్తస్రావమై అక్కడికక్కడే కుప్పకూలిపోయాడు. విషయం తెలుసుకున్న బంధువులు అక్కడికి చేరుకొని శ్రీనివాసరావును పిడుగురాళ్ల ప్రైవేటు ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. శ్రీనివాసరావు 2006 నుంచి 11 వరకు గ్రామ సర్పంచిగా పనిచేశారు. జిల్లా కోపరేటివ్‌ మార్కెటింగ్‌ సొసైటీ సభ్యులుగానూ వ్యవహరించారు. ప్రస్తుతం శ్రీనివాసరావు భార్య వెంకాయమ్మ గ్రామ సర్పంచి. సత్తెనపల్లి డీఎస్పీ విజయభాస్కర్‌రెడ్డి సంఘటనా స్థలాన్ని పరిశీలించి హత్య జరిగిన తీరును తెలుసుకున్నారు. మృతదేహాన్ని పోస్టుమార్టం నిమిత్తం సత్తెనపల్లి ప్రభుత్వాసుపత్రికి తరలించారు. ఎమ్మెల్యే అంబటి రాంబాబు మృతదేహాన్ని దర్శించి ఘటన తీరును తెలుసుకొని కుటుంబ సభ్యులను ఓదార్చారు. బాధితులకు అండగా ఉంటామన్నారు. శ్రీనివాసరావు కుటుంబ సభ్యులు ఇచ్చిన ఫిర్యాదు మేరకు ఎస్సై కె.అమీర్‌ కేసు నమోదు చేసి దర్యాప్తు చేస్తున్నారు.

Read latest Amaravati News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని