నవంబరు 7 వరకు ఓటర్ల నమోదుకు అవకాశం: కలెక్టర్‌

తిరుపతి (కలెక్టరేట్‌), న్యూస్‌టుడే: జిల్లా పరిధిలో గ్రాడ్యుయేట్‌, టీచర్ల ఎమ్మెల్సీ ఎన్నికలకు సంబంధించి ఓటర్లుగా నమోదు చేసుకునేందుకు నవంబరు 7వరకు ఎన్నికల కమిషన్‌ అవకాశం కల్పించిందని కలెక్టర్‌ వెంకటరమణారెడ్డి తెలిపారు. గురువారం అమరావతి నుంచి రాష్ట్ర ముఖ్య ఎన్నికల అధికారి ముకేష్‌కుమార్‌ మీనా అన్ని జిల్లాల కలెక్టర్లతో వీడియో కాన్ఫరెన్స్‌ నిర్వహించారు. జిల్లా కలెక్టరేట్‌ నుంచి కలెక్టర్‌ వెంకటరమణారెడ్డి, జేసీ బాలాజీ, డీఆర్వో శ్రీనివాసరావు పాల్గొన్నారు. అనంతరం జిల్లా పరిధిలోని మండల తహసీల్దార్లతో కలెక్టర్‌ టెలి కాన్ఫరెన్స్‌ నిర్వహించి సూచనలిచ్చారు.