సచివాలయాల్లో సర్వీసులు పెంచాలి

కలెక్టరేట్‌(గుంటూరు), న్యూస్‌టుడే: గ్రామ, వార్డు సచివాలయాల్లో మరిన్ని సర్వీసులను పెంచాలని జిల్లా సంయుక్త కలెక్టర్‌ జి.రాజకుమారి అన్నారు. కలెక్టరేట్‌లోని డీఆర్సీ సమావేశ మందిరంలో శుక్రవారం గ్రామ, వార్డు సచివాలయాలపై శాఖల జిల్లా అధికారులతో సమీక్షించారు. రెండేళ్లు పూర్తి చేసుకుని, పోలీసు పరిశీలన పూర్తయి, శాఖాపరమైన పరీక్ష పూర్తి చేసి ప్రొబేషన్‌కు అర్హులైన వారి ప్రతిపాదనలను పంపాలని సూచించారు. జూన్‌లో రానున్న పథకాలపై వాలంటీర్లు, అర్హులైన ప్రతి ఒక్కరికీ అవగాహన కల్పించాలన్నారు. సచివాలయాల్లో అసంఘటిత రంగ కార్మికుల వివరాలు సంబంధిత వెబ్‌పోర్టల్‌లో నమోదు చేసేలా అధికారులు చర్యలు చేపట్టాలన్నారు. సమావేశంలో జిల్లా పంచాయతీ అధికారి ఆర్‌.కేశవరెడ్డి, జిల్లా వ్యవసాయ శాఖాధికారి నున్న వెంకటేశ్వర్లు, వివిధ శాఖల అధికారులు పాల్గొన్నారు.