మల్లెపూలకు రెక్కలు

బాపట్ల, న్యూస్‌టుడే: దసరా ఉత్సవాల సందర్భంగా పూలకు గిరాకీ ఏర్పడింది. కేజీ మల్లెపూల ధర రూ.వెయ్యి పలికింది. ఈ సీజన్‌లో మల్లె పూల ఉత్పత్తి తక్కువగా ఉంటుంది. దేవీ నవరాత్రి ఉత్సవాల్లో మండపాల అలంకరణ, అమ్మవారి పూజకు భక్తులు పూలు వినియోగిస్తున్నారు. మండలంలో వెదుళ్లపల్లి మార్కెట్ నుంచి మల్లెలు, గులాబీలు, కనకాంబరాలు రెండు తెలుగు రాష్ట్రాల్లో ప్రధాన నగరాలకు రవాణా అవుతున్నాయి. నగరాల్లో వ్యాపారుల నుంచి డిమాండ్‌ బాగా పెరగటంతో పూల ధర అమాంతం పెరిగింది. ధర ఎక్కువగా ఉన్నా పండగకు తప్పటం లేేదంటూ ప్రజలు కొనుగోలు చేస్తున్నారు.