రూ.2.50 లక్షల తంబాకు పట్టివేత

పట్టుబడిన వాహనం

జహీరాబాద్‌: కర్ణాటక నుంచి రాష్ట్రంలోకి అక్రమంగా తరలిస్తున్న నిషేధిత తంబాకును జహీరాబాద్‌ మండలం చిరాగ్‌పల్లి పోలీసులు శనివారం పట్టుకున్నారు. స్థానిక ఎస్‌ఐ ఎం.కాశీనాథ్‌ తెలిపిన వివరాల ప్రకారం.. సరిహద్దులో వాహనాలు తనిఖీ చేస్తుండగా కర్ణాటకలోని బాల్కి వైపు నుంచి హైదరాబాద్‌ వెళ్తున్న ఓ వాహనంలో మన రాష్ట్ర ప్రభుత్వం నిషేధించిన బ్లూబుల్‌ తొబాకో రూ.2.50లక్షల విలువ గల 40 బస్తాలు లభించినట్లు ఆయన తెలిపారు. ఈ మేరకు కేసు నమోదు చేసుకుని బస్తాలను స్వాధీనం చేసుకోవటంతో పాటు నిందితులను అదుపులోకి తీసుకున్నట్లు ఆయన తెలిపారు.