కుమార్తెపై లైంగికదాడికి యత్నం

జూబ్లీహిల్స్‌, న్యూస్‌టుడే: కుమార్తెపై కన్నతండ్రి లైంగికదాడికి యత్నించిన ఘటన బంజారాహిల్స్‌ పోలీసు ఠాణా పరిధిలో చోటుచేసుకొంది. ఎస్సై మనోజ్‌కుమార్‌ తెలిపిన వివరాల ప్రకారం.. బంజారాహిల్స్‌లో నివసించే వ్యక్తి(46) చిరువ్యాపారి. ఇటీవల ఇంట్లో ఎవరూ లేని సమయంలో తన తొమ్మిదేళ్ల కుమార్తెపై లైంగిక దాడికి యత్నించాడు. ఇంటికి వచ్చిన తల్లితో చిన్నారి జరిగిన విషయం చెప్పడంతో ఆమె భర్తను నిలదీసింది. అతడు సమాధానం ఇవ్వకపోడంతో బంజారాహిల్స్‌ పోలీసులకు ఫిర్యాదు చేశారు. ఈ మేరకు తండ్రిపై పోక్సో చట్టం కింద కేసు నమోదు చేసి అరెస్ట్‌ చేసినట్లు తెలిపారు.