చట్టపరంగానే పిల్లల దత్తత: సీడీపీఓ

మాట్లాడుతున్న సీడీపీఓ వెంకటేశ్వరమ్మ

వికారాబాద్‌ మున్సిపాలిటీ: పిల్లలు లేని తల్లిదండ్రులు చట్టపరంగానే దత్తత తీసుకోవాలని సీడీపీఓ వెంకటేశ్వరమ్మ తెలిపారు. జిల్లా మహిళా, శిశు సంక్షేమ శాఖ ఆధ్వర్యంలో బుధవారం స్థానిక శిశు గృహలో ‘అంతర్జాతీయ దత్తత మాసోత్సవాల్లో’ భాగంగా జరిగిన సమావేశంలో ఆమె మాట్లాడారు. చట్టపరంగా దత్తత తీసుకున్న పిల్లలకు అన్ని రకాల రక్షణ ఉంటుందన్నారు. దత్తత తీసుకోవాలనుకునే వారు ఆన్‌లైన్‌లో కారాలో దరఖాస్తు చేసుకోవాలన్నారు. వివరాల కోసం శిశుగృహను సంప్రదించాలని తెలిపారు. ఈ కార్యక్రమంలో బాలరక్ష భవన్‌ సమన్వయకర్త శ్రీలక్ష్మి, బాలల పరిరక్షణాధికారి శ్రీకాంత్‌, పిల్లల దత్తత కోసం వచ్చిన తల్లిదండ్రులు, పాల్గొన్నారు.