ఎస్కార్ట్‌ కార్లూ వచ్చేశాయ్‌

ఈనాడు, హైదరాబాద్‌: ఫార్ములా-ఈ రేస్‌ పోటీలకు వేదికైన హైదరాబాద్‌కు రెండు రోజుల క్రితం రేసింగ్‌ కార్లు రాగా... తాజాగా శుక్రవారం ఎస్కార్ట్‌ కార్లు శంషాబాద్‌ విమానాశ్రయానికి చేరుకున్నాయి. రేసింగ్‌ కార్లు నడిపేవారు ప్రమాదవశాత్తు గాయపడినా, ట్రాక్‌ తప్పినా వెంటనే వారిని రక్షించేందుకు ఈ కార్లను వినియోగిస్తారు. సేఫ్టీ కార్‌ పేరుతో మరో కారు తీసుకొచ్చారు. ప్రమాదం జరిగిన ప్రాంతంలో పరిస్థితులు చక్కబెట్టడంతో పాటు ట్రాక్‌ సరిగా ఉందా? లేదా? అని సేఫ్టీ కార్‌ నిపుణులు పరీక్షిస్తారు. ఈ కారు మైదానంలో ఉన్నంత వరకూ రేసును తాత్కాలికంగా నిలిపేస్తారు.