కంటి వెలుగుతో ఎంతో ప్రయోజనం: ఎమ్మెల్యే

వికారాబాద్‌ టౌన్‌, న్యూస్‌టుడే: ముఖ్యమంత్రి కేసీఆర్‌ నిరుపేద ప్రజలకు ప్రయోజనం చేకూర్చేందుకు కంటి వెలుగు పథకాన్ని అమలు చేస్తున్నారని భారాస జిల్లా అధ్యక్షుడు ఎమ్మెల్యే ఆనంద్‌ అన్నారు. సోమవారం పట్టణంలోని బాల్‌భవన్‌లో ఏర్పాటు చేసిన కంటి వెలుగు శిబిరాన్ని సందర్శించారు. ఈ సందర్భంగా ఆయన మాట్లాడుతూ.. కంటి సమస్యలతో బాధపడుతున్న అనేక మంది గ్రామీణ నిరుపేదలు ఈ కార్యక్రమాన్ని సద్వినియోగం చేసుకుంటున్నారన్నారు. ప్రజలందరూ దీనిని సద్వినియోగం చేసుకోవాలని సూచించారు.

* నియోజకవర్గంలోని సెర్ప్‌ ఉద్యోగులకు ప్రభుత్వం జీవో విడుదల చేయడంతో హర్షం వ్యక్తం చేస్తూ సోమవారం ఎమ్మెల్యే ఆనంద్‌ను కలిసి కేక్‌ కట్‌ చేశారు. ముఖ్యమంత్రి చిత్రపటానికి పాలాభిషేకం చేశారు. ఈ కార్యక్రమంలో ఏపీఎంలు, సీసీలు తదితరులు పాల్గొన్నారు.