Hyderabad: వాహ్‌... చల్లని సేవల ‘సీఎం క్యాబ్‌’

న్యూస్‌టుడే, హైదరాబాద్‌: ప్రయాణికులు వేసవి తాపానికి గురి కాకూడదని ఓ ఆటోడ్రైవర్‌ తన వాహనంపై ఏకంగా నారు పెంచుతూ చల్లగా ఉంచుతున్నారు. హైదరాబాద్‌ నగరంలో తిరుగుతున్న ఈ ఆటో.. పై కప్పున నారుతో ప్రయాణికులను ఆకర్షిస్తోంది. అల్వాల్‌కు చెందిన ఓం ప్రకాశ్‌ తన ఆటోపై గోనెసంచులు వేసి వరి విత్తనాలు వేశారు. నారు మొలకెత్తాక రోజూ నీళ్లు చల్లుతూ ఆటోలోపల చల్లగా ఉండేలా జాగ్రత్తపడుతూ ప్రయాణీకుల ఆదరణ చూరగొంటున్నారు. సీఎం క్యాబ్‌ (కామన్‌ మ్యాన్‌ క్యాబ్‌) పేరును ఆటో వెనుక రాసుకుని తిరుగుతూ.. అలా చల్లని సేవలను అందిస్తున్నారు.