మోదీ పాలనతోనే గ్రామాల్లో మార్పు: కొండా

కడ్మూరులో మాట్లాడుతున్న కొండా విశ్వేశ్వర్‌రెడ్డి

పూడూరు: కేంద్రంలో భాజపా ప్రభుత్వం ఏర్పడిన తర్వాత గ్రామాల్లో అనేక రకాలుగా మార్పు వచ్చిందని చేవెళ్ల పార్లమెంట్‌ భాజపా అభ్యర్థి కొండా విశ్వేశ్వర్‌ రెడ్డి అన్నారు. ప్రజా ఆశీర్వాద యాత్రలో భాగంగా గురువారం మిట్టకంకల్‌, కడ్మూరు, మేడిపల్లి కలాన్‌ గ్రామాల్లో పర్యటించారు. ఈ సందర్భంగా ఆయన మాట్లాడుతూ కమలం గుర్తుకు ఓటువేసి ఆశీర్వదించాలని కోరారు. మాజీ ఎమ్మెల్యే కేఎస్‌ రత్నం మాట్లాడుతూ నిజాయతీ గల వ్యక్తి కొండావిశ్వేశ్వర్‌ రెడ్డి అన్నారు. కొంత కాలంగా పదవుల్లో లేకున్నా పేద ప్రజల సంక్షేమానికి ఎంతో కృషిచేశారన్నారు. ఈ కార్యక్రమంలో జిల్లా పార్టీ అధ్యక్షులు మాధవరెడ్డి, మండల అధ్యక్షులు రాఘవేందర్‌, ఫిలిం సెన్సార్‌ బోర్డు సభ్యులు మల్లేష్‌ పటేల్‌, నాయకులు కేబి రాజు, మిట్ట పరమేశ్వర్‌ రెడ్డి, రవీందర్‌, రాజేందర్ర్‌ెడ్డి, శివకుమార్‌, పాండుగౌడ్‌ ఉన్నారు.