కొమురవెల్లి ఎస్సై సస్పెన్షన్‌

చేర్యాల, న్యూస్‌టుడే : సిద్దిపేట జిల్లా కొమురవెల్లి పోలీస్‌స్టేషన్‌లో ఎస్సైగా విధులు నిర్వహిస్తున్న నాగరాజు సస్పెండ్‌ అయ్యారు. ఈ మేరకు మల్టీజోన్‌- 1 ఐజీ ఏవీ రంగనాథ్‌ బుధవారం ఉత్తర్వులు జారీ చేశారు. తనను మోసం చేస్తున్నాడని, న్యాయం చేయాలని కోరుతూ ఎస్సై నాగరాజు భార్య మానస మంగళవారం కొమురవెల్లి ఠాణా ఎదుట ఆందోళన చేసింది. ఈ సంఘటనపై సిద్దిపేట జిల్లా పోలీసు అధికారి విచారణ జరిపించి, నివేదిక సమర్పించడంతో ఐజీ చర్య తీసుకున్నారు. ఇదే వ్యవహారంతో సంబంధం ఉన్న రాజన్న సిరిసిల్ల జిల్లా ముస్తాబాద్‌ ఠాణాలో పని చేసిన కానిస్టేబుల్‌ శ్రీనివాస్‌పైనా వేటు పడింది.