వడదెబ్బతో ఎంఈవో మృతి!

ధర్మపురి గ్రామీణం: వడదెబ్బతో మండల విద్యాధికారి (ఎంఈవో) బత్తుల భూమయ్య (55) మృతిచెందినట్లు ఆయన కుటుంబసభ్యులు తెలిపారు. ఈ ఘటన చొప్పదండిలో చోటుచేసుకుంది. వెల్గటూరు మండల విద్యాధికారిగా ఆయన పనిచేస్తున్నారు. ఎన్నికల విధుల్లో భాగంగా వాహన తనిఖీ అధికారిగా బాధ్యతలు నిర్వహిస్తున్నారు. ఈ క్రమంలో అస్వస్థతకు గురైన భూమయ్య.. చొప్పదండిలోని తన ఇంట్లో శనివారం ఉదయం మృతి చెందారు. ధర్మపురి, బుగ్గారం ఇన్‌ఛార్జ్ ఎంఈఓగానూ విధులు నిర్వహిస్తున్నారు. ఆయన మృతి పట్ల పలువురు ఉపాధ్యాయులు, ప్రజా ప్రతినిధులు సంతాపం తెలిపారు.