అయ్యో రైతన్నా..

చొప్పదండి: వర్షంలో ధాన్యం తడవకుండా రైతుల పాట్లు

జిల్లాలో మంగళవారం సాయంత్రం ఒక్కసారిగా కురిసిన వర్షానికి పలు కొనుగోలు కేంద్రాల్లోని ధాన్యం తడిసింది. శ్రమ ఫలితం చేతికందే ముందు ధాన్యం తడిచిపోవడంతో రైతులు కన్నీరుమున్నీరవుతున్నారు. కోతకు సిద్ధంగా ఉన్న వరిపైర్లు నేలవాలి వడ్లు రాలిపోయాయి. యాస్వాడ, మాదాపూర్‌, దుద్దెనపల్లి, బొమ్మకల్‌ తదితర గ్రామాల్లో మామిడి తోటలకు నష్టం వాటిల్లింది. కొన్నిచోట్ల ఇంటి పైకప్పులు కొట్టుకుపోయాయి. చెట్లు విరిగిపోయాయి. బాధితులను ఆదుకోవాలని వివిధ పార్టీలు, సంఘాల నాయకులు ప్రభుత్వాన్ని కోరారు. విద్యుత్తు స్తంభాలు కూలడంతో సరఫరాకు అంతరాయం ఏర్పడింది. సంబంధిత అధికారులు, సిబ్బంది యుద్ధప్రాతిపదికన మరమ్మతు చర్యలు చేపట్టి విద్యుత్తు సరఫరాను పునరుద్ధరించారు.

న్యూస్‌టుడే యంత్రాంగం