logo
Published : 05/12/2021 01:44 IST

రోశయ్యతో కర్ణాటకాంధ్రుల బంధం


రోశయ్యను సత్కరించి స్మరణిక అందజేసిన నాటి జ్ఞాపకం (దాచినచిత్రం)

బెంగళూరు (మల్లేశ్వరం), న్యూస్‌టుడే : తెలుగు విజ్ఞాన సమితికి, ఉమ్మడి ఆంధ్రప్రదేశ్‌ ముఖ్యమంత్రిగా, కర్ణాటక, తమిళనాడులకు గవర్నర్‌గా సేవలు అందించిన కె.రోశయ్యతో అర్ధ శతాబ్ద అనుబంధం ఉందని సమితి అధ్యక్షుడు ఎ.రాధాకృష్ణరాజు నివాళులర్పించారు. ఈ సమితి ఆధ్వర్యంలోనే 2013లో ఇందిరా ప్రియదర్శిని పురస్కారాన్ని, అంతకు మునుపు సమితి ఆడిటోరియంలో ఆయనను ఘనంగా సత్కరించామని గుర్తు చేసుకున్నారు. ఆసుపత్రిలో చికిత్స పొందుతూ తుది శ్వాస విడిచిన రోశయ్యకు సమితి సభ్యులు శనివారం సంతాపసభ ఏర్పాటు చేసి.. జ్ఞాపకాలను నెమరు వేసుకున్నారు. తెలుగు భాషపై చక్కని పట్టున్న వ్యక్తిగా, పేరొందిన ఆర్థిక మంత్రిగా, అజాత శత్రువుగా ఆయన చేసిన సేవలను స్మరించుకున్నారు. సమితి చేస్తోన్న సేవలు పలుసార్లు ప్రశంసించారని తెలిపారు. రోశయ్య మరణంతో కాంగ్రెస్‌ పార్టీ ఒక సీనియరు నాయకుడ్ని కోల్పోయిందని మాజీ స్పీకర్‌ రమేశ్‌ కుమార్‌ పేర్కొన్నారు. నివాళులు అర్పించిన వారిలో సమితి ప్రతినిధులు కె.గంగరాజు,  ఇడమకంటి లక్ష్మీరెడ్డి, వరదరాజు, చంద్రమోహన్‌ తదితరులున్నారు.
ముఖ్యమంత్రి సంతాపం
ఉమ్మడి ఆంధ్రప్రదేశ్‌ మాజీ ముఖ్యమంత్రి రోశయ్యకు ముఖ్యమంత్రి బసవరాజ బొమ్మై సంతాపాన్ని ప్రకటించారు. రాజకీయాల్లో అజాత శత్రువుగా, దక్షత కలిగిన పాలకునిగా అందరికీ ఆయన ఆప్తునిగా ఉన్నారని చెప్పారు. మాజీ ముఖ్యమంత్రి హెచ్‌.డి.కుమారస్వామి, మాజీ ఎమ్మెల్సీ శరవణ, కర్ణాటక ఆర్య వైశ్యుల సంఘం, సమాఖ్యల ప్రతినిధులు రోశయ్యతో తమకున్న అనుబంధాన్ని స్మరించుకుంటూ, సంతాపాలను ప్రకటించారు.


బెంగళూరులో నివాళి అర్పిస్తున్న తెలుగు విజ్ఞాన సమితి సభ్యులు 

Read latest Karnataka News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని