అప్పతో బొమ్మై చర్చలు

యడియూరప్పను కలిసిన బొమ్మై

బెంగళూరు (మల్లేశ్వరం), న్యూస్‌టుడే : అవినీతి నియంత్రణ దళం (అనిద) అధికారాలను రద్దు చేస్తూ ఉన్నత న్యాయస్థానం ఇచ్చిన తీర్పునకు సంబంధించి మాజీ ముఖ్యమంత్రి యడియూరప్పతో ముఖ్యమంత్రి బసవరాజ బొమ్మై శుక్రవారం చర్చించారు. మంత్రివర్గ సమావేశంలోనూ ఇదే అంశాన్ని చర్చించామని బొమ్మై తెలిపారు. లోకాయుక్తను బలోపేతం చేస్తామని పార్టీ ప్రణాళికలోనే ప్రకటించామని గుర్తు చేశారు. ఈ వ్యవస్థను మరింత బలోపేతం చేస్తామని పేర్కొన్నారు. జాతీయ నాయకులతోనూ చర్చించి తదుపరి చర్యలు తీసుకుంటామన్నారు. హైకోర్టు ఇచ్చిన ఆదేశాలను ప్రశ్నిస్తూ అప్పీలుకు వెళితే లోకాయుక్తను బలోపేతం చేయడాన్ని ప్రభుత్వం వ్యతిరేకిస్తుందని ప్రజలకు సంకేతాలు వెళతాయని ప్రభుత్వం భావిస్తోంది.