జీబ్రాచేపపై పరిశోధనలు అవసరం

విశ్వవిద్యాలయంలో ఏర్పాటు చేసిన ప్రదర్శనను తిలకిస్తున్న అధ్యాపకులు, పరిశోధన విద్యార్థులు

బళ్లారి, న్యూస్‌టుడే: మానవ శరీరంలో వ్యాధులు వ్యాపించడానికి సూక్ష్మక్రిములకు వ్యతిరేకంగా పోరాడే జీబ్రాచేపలపై పరిశోధనలు చేయడం మరింత అవసరమని ఆచార్యులు డా.విజయకుమార్‌ మలశెట్టి పేర్కొన్నారు. బళ్లారి విజయనగర శ్రీకృష్ణదేవరాయ విశ్వవిద్యాలయం జైవిక తంత్రజ్ఞానం అధ్యయన విభాగం, తమిళనాడు తిరుచిరాపల్లి అందవన్‌ ఆర్ట్స్‌, సైన్స్‌ కళాశాల అధ్యయన కేంద్రం సంయుక్తంగా విశ్వవిద్యాలయంలో సోమవారం ఏర్పాటు చేసిన జీబ్రాచేప అవలోకనంపై ఏర్పాటు చేసిన శిబిరాన్ని ఆయన ప్రారంభించారు. ఈ చేప లార్వా ఔషధాలను అభివృద్ధి చేయడానికి పరిశోధనలు జరుగుతున్నాయి. మానవ శరీరంలో 70 శాతం ఉపయోగపడే సకశేరుకాలు ఉంటున్నాయి. క్యాన్సర్‌, హృదయ సంబంధ రోగాలు, అంటువ్యాధులు, మధుమేహం, ఇతరాలకు ఉపయోగిస్తారని వివరించారు. శ్రీమద్‌ అందవన్‌ ఆర్ట్స్‌, సైన్స్‌ కళాశాల జైవిక తంత్రజ్ఞాన అధ్యయన విభాగం అధ్యాపకుడు డా.శివ విజయకుమార్‌ మాట్లాడుతూ జీబ్రాచేప ప్రాముఖ్యం, నిర్వహణపై విద్యార్థులకు శిక్షణ శిబిరం నిర్వహించడం సంతోషంగా ఉందన్నారు. కార్యక్రమంలో పరిశోధన విద్యార్థి సాయి సందీప్‌, నిర్దేశకుడు తిప్పేరుద్రప్ప, డా.ఆశాజ్యోతి, డా.తిప్పేస్వామి పాల్గొన్నారు.

కార్యక్రమానికి హాజరైన అధ్యాపకులు, పరిశోధన విద్యార్థులు