ప్రతిపక్ష నేతలకు సహనం అవసరం

మంత్రి శివరాజ్‌ తంగడిగి

కన్నడ సంస్కృతిశాఖ మంత్రి శివరాజ్‌ తంగడిగి దంపతులను సత్కరిస్తున్న బోవి గురుపీఠం పీఠాధిపతి ఇమ్మది సిద్ధరామస్వామి తదితరులు

చెళ్లకెరె(చిత్రదుర్గం), న్యూస్‌టుడే: కాంగ్రెస్‌ పార్టీ ఎన్నికల్లో ప్రజలకు ఇచ్చిన గ్యారెంటీలను తప్పక అమలు చేస్తుందని, అందుకు కొంత సమయం పడుతుందని అప్పటి వరకు ప్రతిపక్ష నేతలు సహనం పాటించాలని రాష్ట్ర కన్నడ సాంస్కృతిక శాఖ మంత్రి శివరాజ్‌ తంగడిగి పేర్కొన్నారు. సోమవారం ఆయన తన భార్యతో కలిసి బోవి గురుపీఠాన్ని సందర్శించారు. ఈ సందర్భంగా విలేకరులతో మాట్లాడారు. కేంద్రంలో ఉన్న భాజపా ప్రభుత్వం అధికారంలోకి రాక ముందు ఇచ్చిన హామీలు ఎంత వరకు నేరవేర్చిందని ప్రశ్నించారు. అంతకు ముందు మంత్రి దంపతులను పీఠాధిపతి ఇమ్మది సిద్ధరామస్వామి శాలువాతో సత్కరించి, సిద్ధరామస్వామి చిత్రపటాన్ని ఇచ్చి అభినందించారు.