గెలిచాకే మోదీని కలుస్తా: ఈశ్వరప్ప

నూతన కార్యాలయంలో ఈశ్వరప్ప, ఇతర నాయకులు

శివమొగ్గ, న్యూస్‌టుడే : శివమొగ్గ లోక్‌సభ నియోజకవర్గం నుంచి భాజపా తిరుగుబాటు అభ్యర్థిగా బరిలో దిగాలని నిర్ణయించిన మాజీ ఉప ముఖ్యమంత్రి కేఎస్‌ ఈశ్వరప్ప తన సొంత కార్యాలయాన్ని గురువారం ప్రారంభించారు. నరేంద్రమోదీని మరోసారి ప్రధానిగా చేయాలన్న లక్ష్యంతో పోటీలో నిలిచానని ఆయన పునరుద్ఘాటించారు. మోదీ, వాజ్‌పేయీ ఫొటోలను వేదికపై అలంకరించారు. బ్యానర్‌లో ‘దేశం కోసం మోదీ.. శివమొగ్గకు హిందుత్వవాది’ అనే నినాదాన్ని రాశారు. ఎన్నికల్లో స్వతంత్ర అభ్యర్థిగా గెలిచిన తర్వాత మోదీ వద్దకు వెళతానని తెలిపారు. తాను నామపత్రాన్ని దాఖలు చేయకుండా పలువురు అడ్డుకుంటున్నారని, వారి ప్రయత్నాలు ఫలించవని హెచ్చరించారు.