ఛత్తీస్‌గఢ్‌ బంద్ నేపథ్యంలో మావోయిస్టుల దుశ్చర్య

చర్ల: బూటకపు ఎన్‌కౌంటర్‌లను నిరసిస్తూ ఆదివారం సరిహద్దు ఛత్తీస్‌గఢ్‌ బంద్‌కు మావోయిస్టులు పిలుపునిచ్చారు. చర్ల మండలం పూసుగుప్ప వద్ధిపేట మధ్యలో రొటీంత వాగు వద్ద చెట్లు నరికివేశారు. బంద్‌ను విజయవంతం చేయాలని కరపత్రాలు చెట్లకు అతికించారు. వంతెన కింద మంటలు పెట్టడంతో వంతెన బీటలువారింది. వంతెనకు ఇరువైపులా చెట్లు నరకడంతో రోడ్డుకు అడ్డంగా చెట్లు, విద్యుత్‌ స్తంభాలు పడిపోయాయి. సంఘటన స్థలానికి చేరుకున్న పోలీసులు మావోయిస్టులు ఎక్కడైనా మందుపాతరలు పెట్టారన్న అనుమానాలతో బాంబు స్క్వాడ్ బృందాలతో తనిఖీలు చేపట్టారు. రాకపోకల పునరుద్ధరణకు చర్యలు చేపట్టారు.