నాణ్యమైన విద్యఅందించేందుకు కృషి

సమావేశంలో పాల్గొన్న ప్రిన్సిపళ్లు

కర్నూలు(నగరపాలక సంస్థ), న్యూస్‌టుడే: ఆర్‌యూ పరిధిలో ఉన్న అనుబంధ విద్యాసంస్థల్లో నాణ్యమైన విద్య అందించేందుకు కృషి చేస్తున్నట్లు ఉపకులపతి ఆచార్య ఎ.ఆనందరావు పేర్కొన్నారు. ఆర్‌యూలోని కాన్ఫరెన్సు హాల్‌లో అనుబంధ కళాశాలల ప్రిన్సిపళ్లతో బుధవారం సమావేశం నిర్వహించారు. ఆయన మాట్లాడుతూ ఉన్నత విద్యాశాఖ సూచనలను పాటించాలన్నారు. బీఎడ్‌ కళాశాలల్లో చదువుతున్న విద్యార్థులకు తప్పకుండా బ్లాక్‌టీచింగ్‌ చేయించాలన్నారు. కార్యక్రమంలో వర్సిటీ రెక్టార్‌ ఆచార్య సంజీవరావు, రిజిస్ట్రార్‌ ఆచార్య మధుసూదనవర్మ, సీడీసీ డీన్‌ సుందరానంద, అకాడమిక్‌ డీన్‌ ఆచార్య నాయక్‌, కళాశాలల ప్రిన్సిపళ్లు పాల్గొన్నారు.