నేతాజీ మార్గం ఆదర్శనీయం

ఆదోని మార్కెట్‌: నేతాజీ సుభాష్‌ చంద్రబోస్‌ జయంతి సందర్భంగా ఆదోని పట్టణంలో విద్యార్థులు, యువకులు ఆదివారం వీధుల్లో ర్యాలీ నిర్వహించారు. అనంతరం అభయాంజనేయస్వామి ఆలయ ఆవరణలో నిర్వహించిన సభలో ఆంధ్రప్రదేశ్‌ ఉపాధ్యాయ సంఘం జాతీయ సహాయ కార్యదర్శి రాజశేఖర్‌రావు పాల్గొని మాట్లాడారు. యువత నేతాజీ చరిత్రను అధ్యయనం చేసి స్ఫూర్తిగా తీసుకోవాలన్నారు. దేశవ్యాప్తంగా భారత ప్రభుత్వం ఈరోజును పరాక్రమ దివస్‌గా నిర్వహించడం సంతోషకరమని తెలిపారు. కార్యక్రమంలో వివిధ సంఘాల నాయకులు శ్రీనివాస్‌, న్యాయవాది లోకేశ్‌కుమార్‌, ఉపాధ్యాయులు జ్ఞానేశ్వర్‌, శ్రీధర్‌ తదితరులు పాల్గొన్నారు.