తరగతుల విలీన నిర్ణయం విరమించుకోవాలి

సమావేశంలో మాట్లాడుతున్న ఏపీటీఎఫ్‌ జిల్లా అధ్యక్షుడు రంగన్న

ఆదోని విద్య, న్యూస్‌టుడే: ఉన్నత పాఠశాలల్లో 3 ,4, 5వ తరగతులను విలీనం చేయాలనే ప్రభుత్వ నిర్ణయాన్ని వెనక్కి తీసుకోవాలని ఏపీటీఎఫ్‌ జిల్లా అధ్యక్షుడు ఎం.రంగన్న అన్నారు. ఏపీటీఎఫ్‌ కార్యాలయంలో గురువారం ఏర్పాటు చేసిన సమావేశంలో ఆయన మాట్లాడుతూ విలీనం కారణంగా విద్యార్థులకు చదువు దూరమయ్యే పరిస్థితి తలెత్తుందని వాపోయారు. ఈ నిర్ణయాన్ని వెనక్కి తీసుకోవాలన్నారు. వేసవి సెలవుల్లో బదిలీలు, పదోన్నతులు చేపట్టాలని డిమాండు చేశారు. సమావేశంలో రాష్ట్ర పూర్వ ఉపాధ్యక్షుడు రఘురామయ్య, ఆదోని అధ్యక్ష, కార్యదర్శులు మధు, రఘు, నాయకులు పాల్గొన్నారు.