జాతీయ లోక్‌ అదాలత్‌లో 9,676 కేసుల పరిష్కారం

న్యాయమూర్తుల చేతులమీదుగా పరిహారం చెక్కు అందుకుంటున్న కక్షిదారుడు

కర్నూలు న్యాయవిభాగం, న్యూస్‌టుడే : ఉమ్మడి జిల్లాలో శనివారం జరిగిన జాతీయ లోక్‌ అదాలత్‌లో 9,676 కేసులు పరిష్కారమైనట్లు జిల్లా న్యాయసేవాధికార సంస్థ ఇన్‌ఛార్జి ఛైర్మన్‌, జిల్లా ఇన్‌ఛార్జి ప్రధాన న్యాయమూర్తి కె.శ్రీనివాసకుమార్‌, జిల్లా న్యాయసేవాధికార సంస్థ కార్యదర్శి శ్రీనివాసరావు తెలిపారు. కర్నూలులో ఎక్కువ కేసులు పరిష్కారమయ్యాయి. కర్నూలులో 6,375, ఆదోని 407, ఆళ్లగడ్డ 175, ఆలూరు 263, ఆత్మకూరు 378, బనగానపల్లి 232, డోన్‌ 486, కోవెలకుంట్ల 271, నందికొట్కూరు 165, నంద్యాల 314, పత్తికొండ 370, ఎమ్మిగనూరులో 240 కేసులను పరిష్కరించారు. కేసుల పరిష్కారంలో రాష్ట్రంలోనే ఉమ్మడి కర్నూలు జిల్లా ఐదో స్థానంలో నిలిచింది.