ఇంటింటికి తెలుగుదేశం

కౌతాళం: పెద్దకడుబుర్ మండలం జాలవడి గ్రామంలో ఇంటింటికి తెలుగుదేశం కార్యక్రమం నిర్వహించారు. ఈ సందర్భంగా మంత్రాలయం ఉమ్మడి తెదేపా ఎమ్మెల్యే అభ్యర్థి ఎన్.రాఘవేంద్ర రెడ్డి సోదరులు ఎన్.రామకృష్ణ రెడ్డి, రాష్ట్ర రైతు అధికార ప్రతినిధి నరవ రమాకాంత్ రెడ్డి, మండల కన్వీనర్ బసలదొడ్డి ఈరన్న, నవ యువ నాయకులు ఎన్.రాజారెడ్డి, ప్రతి ఇంటికి వెళ్లి తెదేపా ఆరు గ్యారంటీల గురించి వివరించారు. మంత్రాలయం యువనాయకులు ఎన్.రామకృష్ణ రెడ్డి మాట్లాడుతూ.. ప్రతి ఇంటికి ఏడాదికి మూడు ఉచిత గ్యాస్‌ సిలిండర్లు, మహిళలకు ఉచిత బస్సు ప్రయాణం, మహిళలకు నెలకు రూ.1,500 ఇస్తామన్నారు. రైతులకు రూ.20 వేలు పెట్టుబడి నిధి, తల్లికి వందనం పేరుతో ప్రతి విద్యార్థికి రూ.15 వేలు ఇస్తామన్నారు. ఈ కార్యక్రమంలో తెదేపా, భాజపా, జనసేన, నాయకులు, కార్యకర్తలు పాల్గొన్నారు.