చంద్రబాబుతోనే రాష్ట్రాభివృద్ధి

సీబెళగల్‌: చంద్రబాబుతోనే రాష్ట్రాభివృద్ధి సాధ్యమని కోడుమూరి తెదేపా అభ్యర్థి బి.దస్తగిరి పేర్కొన్నారు. మండలంలోని గుండ్రెవుల గ్రామంలో ఎన్నికల ప్రచారంలో భాగంగా ఇంటింటా ప్రచారం చేస్తు తెదేపా సూపర్‌ సిక్స్‌ పథకాలను వివరించారు. ఒక ఓటు నాకు రెండో ఓటు ఎంపీ అభ్యర్థి పి.నాగరాజుకు వేసి గెలిపించాలని కోరారు. తెదేపా అధికారంలోకి వస్తే గ్రామంలో 20 టీఎంసీల జలాశయం నిర్మిస్తామని తెలిపారు. దీంతో తాగునీరు సాగునీరు ఉమ్మడి జిల్లాతో పాటు కడప జిల్లాకు కూడా సాగునీరు అందిస్తామని చర్చించారు. ఈ కార్యక్రమంలో తెదేపా మండల మాజీ కన్వీనర్‌ చిన్న తిమ్మప్ప, జడ్పీటీసీ గిరిజోల్‌, మాజీ జడ్పీటీసీ చంద్రశేఖర్‌, ఎంపీటీసీలు ఈరన్న, నూర్‌జాన్‌, మాజీ కో ఆప్షన్‌ సభ్యుడు సయ్యద్ బాబు, బి.శ్రీను, జనసేన నాయకుడు రాంబాబు తదితరులు పాల్గొన్నారు.