తెదేపా అధికారంలోకి రాగానే ఇంటి వద్దకే పింఛన్‌

చిప్పగిరి: తెదేపా అధికారంలోకి వచ్చిన వెంటనే ఇంటి వద్దకే వృద్ధులకు రూ. 4 వేల పింఛన్‌, వికలాంగులకు 6 వేల పింఛన్‌ అందిస్తామని తెదేపా ఎమ్మెల్యే అభ్యర్థి వీరభద్ర గౌడ్ కుమారుడు, మండల ఇన్‌ఛార్జ్‌ మల్లికార్జున గౌడ్ అన్నారు. చిప్పగిరి మండలం కుందన్గుర్తి, బెల్డోన, సంగాల గ్రామంలో ఎన్నికల ప్రచారం శనివారం నిర్వహించారు. జడ్పీటీసీల సంఘం మాజీ అధ్యక్షుడు మీనాక్షి నాయుడు, మండల కన్వీనర్ షేక్షావలి, మండల మాజీ ఉపాధ్యక్షుడు వెంకటేష్, తదితరులు పాల్గొన్నారు.  మండలం ఇన్‌ఛార్జ్‌ బి. మల్లికార్జున్ గౌడ్ ఆధ్వర్యంలో వైకాపాకు చెందిన 50 యాదవ కుటుంబాలు తెదేపాలో చేరాయి. వారికి పార్టీ కండువా కప్పి ఆయన ఆహ్వానించారు.