భాజపా, కాంగ్రెస్ పోటా పోటీగా ఎన్నికల ప్రచారం

రాజోలి: రాజోలి మండలంలోని గ్రామాల్లో మంగళవారం భాజపా, కాంగ్రెస్ పార్టీల నాయకులు పోటాపోటీగా ఎన్నికల ప్రచారం నిర్వహించారు. కాంగ్రెస్ పార్టీ మండల అధ్యక్షుడు దస్తగిరి ఆధ్వర్యంలో రాజోలి, తూర్పు గార్లపాడు, పచ్చర్ల గ్రామంలో ఇంటింటికి వెళ్లి నాగర్ కర్నూల్ ఎంపీ అభ్యర్థి మల్లు రవికి ఓటు వేయాలని అభ్యర్థించారు. మరోవైపు భాజపా మండల అధ్యక్షుడు సంజీవరెడ్డి ఆధ్వర్యంలో రాజోలి, మాన్‌దొడ్డి, పెద్ద తాండ్రపాడు గ్రామాల్లో ఎన్నికల ప్రచారం నిర్వహించారు. ఎంపీ అభ్యర్థి భరత్ ప్రసాద్‌ను గెలిపించాలని కోరారు. మోదీ అమలు చేస్తున్న సంక్షేమ పథకాల గురించి వివరించారు.