భాజపాతోనే దేశాభివృద్ధి సాధ్యం

రాజోలి : భాజపా  పదేళ్ల పాలనలో అనేక సంక్షేమ పథకాలతో అభివృద్ధి దిశగా అడుగులు వేస్తోందని, మూడోసారి అధికారంలోకి వస్తే పూర్తిస్థాయిలో అభివృద్ధి సాధ్యమవుతుందని భాజపా జిల్లా అధ్యక్షులు రామచంద్ర రెడ్డి అన్నారు. గురువారం ఆయన  రాజోలి మండలం పచ్చర్ల గ్రామంలో భాజపా జిల్లా కార్యవర్గ సభ్యులు కోట్ల వీరేశ్ రెడ్డి  ఆధ్వర్యంలో  ఎన్నికల ప్రచారం నిర్వహించారు. నాగర్ కర్నూల్  భాజపా ఎంపీ అభ్యర్థి పోతుగంటి భరత్ ప్రసాద్‌కు ఓటు వేసి గెలిపించాలని ఓటర్లను కోరారు. భాజపా ప్రభుత్వ పాలనలో దేశ భద్రతతో పాటు, సంక్షేమ పథకాలు, మౌలిక వసతుల విషయంలో  ముందుకు దూసుకెళ్తుందన్నారు.  ఉపాధి కల్పనలో భాగంగా 25 కోట్ల మందికి నూతనంగా  ప్రభుత్వ,  ప్రైవేటు సెక్టార్లలో  ఉద్యోగాలు కల్పించారన్నారు. ఈ కార్యక్రమంలో మండల భాజపా అధ్యక్షుడు సంజీవరెడ్డి, గ్రామ బూత్ అధ్యక్షులు, రామాంజనేయులు, దస్తగిరి, అశోక్ రెడ్డి తదితరులు పాల్గొన్నారు.