ఉపాధి పనులపై సామాజిక తనిఖీ

రాజోలి: మండల కేంద్రమైన రాజోలి గ్రామంలో శుక్రవారం 2023-24 ఆర్థిక సంవత్సరంలో జరిగిన ఉపాధి పనులపై సామాజిక తనిఖీ నిర్వహించారు. ఎంపీడీవో రమేశ్‌కుమార్ ఆధ్వర్యంలో ఎంఆర్సీ కార్యాలయంలో నిర్వహించిన ఈ కార్యక్రమంలో కొన్ని రోజుల క్రితం గ్రామాల్లో డీఆర్పీలు సేకరించిన సమాచారాన్ని డీఆర్డీవో నర్సింగ్రావ్ మండల స్థాయిలో చర్చించారు. మండల వ్యాప్తంగా మొత్తం 486 పనులకు సంబంధించి రూ.2.86 కోట్ల పనులు చేపట్టారు. వీటిని ఏ ఏ గ్రామంలో ఎంత వెచ్చించారు. ఏ పనులు చేశారో రికార్డు రూపంలో ఆయన పరిశీలించారు. ఇందులో ముఖ్యంగా కూలీలకు డబ్బులు సక్రమంగా చెల్లించలేదని, మొక్కలు నాటి నిర్లక్ష్యంగా వదిలేశారని గుర్తించారు. ఇలా మొత్తం రూ.38,550లు కార్యదర్శులు, క్షేత్ర సహాయకుల నుంచి రికవరీ చేయాలని ఎంపీడీవోను డీఆర్డీవో ఆదేశించారు.