Ts News: యాదగిరిగుట్ట పోలీస్‌స్టేషన్‌లో కరోనా కలకలం

యాదగిరిగుట్ట: యాదాద్రి భువనగిరి జిల్లా యాదగిరిగుట్ట పోలీస్‌ స్టేషన్‌లో కొవిడ్‌ కేసుల కలకలం రేగింది. ప్రముఖ పుణ్యక్షేత్రం యాదగిరిగుట్ట పోలీస్‌స్టేషన్‌లో విధులు నిర్వహిస్తున్న 12 మంది పోలీసులకు కరోనా నిర్ధారణ అయింది. యాదగిరిగుట్ట ఏసీపీ, సీఐ, మరో 10 మంది కానిస్టేబుళ్లు కరోనా బారినపడ్డారు. దీంతో వీరంతా ప్రస్తుతం హోం ఐసోలేషన్‌లో ఉంటూ చికిత్స తీసుకుంటున్నారు. ఈ పోలీస్‌స్టేషన్‌లో సుమారు 70 మంది పనిచేస్తుండగా.. వారం రోజుల వ్యవధిలో 12 మందికి వైరస్‌ సోకింది. పోలీస్‌ స్టేషన్‌కు వచ్చే ఫిర్యాదుదారులు కొవిడ్‌ నిబంధనలు పాటిస్తూ తగు జాగ్రత్తలు పాటించాలని పోలీసులు సూచిస్తున్నారు.