అధికారులపై కేంద్ర బృందం సభ్యుల ఆగ్రహం

మాట్లాడుతున్న అంబటి శ్రీనివాస్‌

బిట్రగుంట, న్యూస్‌టుడే: కేంద్ర ప్రభుత్వ పథకాలు అమలుపై పొంతన లేని వివరాలు చెప్పడంతో కేంద్ర బృందం సభ్యులు అధికారులపై ఆగ్రహం వ్యక్తం చేశారు. బుధవారం బోగోలు మండలంలోని జక్కేపల్లిగూడూరులో జాతీయ స్థాయి మూల్యాంకన కమిటీ ప్రన్సిపల్‌ కోఆర్డినేటర్‌ అంబటి శ్రీనివాస్‌ ఆధ్వర్యంలో ప్రభుత్వ పథకాల అమలుపై గ్రామసభ నిర్వహించారు. పీఎం కిసాన్‌, ఉపాధి హామీ పథకం, జల్‌జీవన్‌మిషన్‌, మాతృవందన పథకం, పింఛన్లు తదితర వాటిపై లబ్ధిదారులతో నేరుగా మాట్లాడారు. ఈ సందర్భంగా పథకాల వివరాలను అధికారులు చెప్పలేకపోయారు. దీంతో వారిపై మండిపడ్డారు. అంబటి శ్రీనివాస్‌ను న్యూస్‌టుడే వివరణ కోరగా తాము గుర్తించిన సమాచారాన్ని వెల్లడించమని, కేంద్రానికి నివేదిస్తామని స్పష్టం చేశారు.