‘వైకాపాకు బుద్ధి చెబుతాం’

ఆత్మకూరు, న్యూస్‌టుడే: గిరిజన జాతిని చిన్నచూపు చూస్తున్న వైకాపా నాయకులకు బుద్ధి చెపుతామని వెన్నెలకంటి రాఘవయ్య మెమోరియల్‌ గిరిజన సేవా సమితి రాష్ట్ర అధ్యక్షుడు పి. శ్రీనివాసులు పేర్కొన్నారు. మాజీ ఎంపీ మేకపాటి రాజమోహన్‌రెడ్డి ఆత్మకూరు ఛైర్‌పర్సన్‌ను దూషించినా పోలీసులు ఎస్సీ ఎస్టీ అట్రాసిటీ కేసు నమోదు చేయలేదన్నారు. సోమవారం కమ్యూనిటీ హాలులో గిరిజనులతో సమావేశం నిర్వహించారు. ఈ సందర్భంగా ఛైర్‌పర్సన్‌ గోపారం వెంకటరమణమ్మకు సంఘీభావం తెలిపారు. మాజీ ఎంపీపై ఎస్సీ ఎస్టీ అట్రాసిటీ కేసు నమోదు చేయాలని కోరారు. అప్పారావుపాళెంలో గిరిజన సర్పంచి కుమారిపై కూడా వైకాపా నాయకులు వేధింపులకు పాల్పడ్డారన్నారు. కొంతమంది తమను చిన్నచూపు చూస్తున్నారని ఛైర్‌పర్సన్‌ గోపారం వెంకటరమణమ్మ విచారం వ్యక్తం చేశారు.