హత్య కేసులో నిందితుల అరెస్టు

జండాదిబ్బ (సంగం), న్యూస్‌టుడే: జండాదిబ్బలో మంగళవారం రాత్రి హత్యకు గురైన సుబ్బమ్మ కేసులో ఇద్దరు నిందితులను గురువారం సంగం సి.ఐ.రవినాయక్‌, ఎస్సై కె.నాగార్జునరెడ్డి బుచ్చిరెడ్డిపాళెం బస్టాండులో అరెస్టు చేశారు. పోలీసులు తెలిపిన మేరకు వివరాలు ఇలా...ఈ కేసులో నిందితులు జండాదిబ్బ గ్రామానికి చెందిన వారే. ప్రధాన నిందితుడు అనిల్‌ హతురాలికి బాగా తెలిసిన వాడు అవడం విశేషం. సుబ్బమ్మ వద్ద బాగా ధనం ఉంటుందని అనిల్‌, తన స్నేహితుడు ఆరిఫ్‌తో కలసి చంపేయాలని నిర్ణయించుకున్నారు. దీనికోసం ఆరిఫ్‌తో కలసి మద్యం తాగి మంగళవారం రాత్రి సుబ్బమ్మ ఇంటివద్దకు వెళ్లారు. ఆమెను మాటల్లో పెట్టిన అనిల్‌ ఒక్కసారిగా ఆమె గొంతునులిమి హత్య చేశారు. అప్పటికీ ఆగక ఆమె చీరతోనే మరోసారి ఆమె గొంతుచుట్టూ బిగించి గట్టిగా లాగారు. దీంతోపాటు కాళ్లను తాడుతో కట్టేశారు. గతంలో అనిల్‌ ఆమె పై దాడికి పాల్పడి ఉండటంతో పోలీసులు అనుమానించి అదుపులోకి తీసుకుని విచారణ చేయగా వారు నేరం అంగీకరించారు.