సౌకర్యాలు లేకుంటే దోస్త్‌లో చేర్చం

తెవివి క్యాంపస్‌, న్యూస్‌టుడే: తెవివి పరిధిలోని డిగ్రీ కళాశాలలకు (2024-25 విద్యా సంవత్సరానికి) ‘వర్సిటీ అనుబంధ గుర్తింపు’ ఇచ్చేందుకు తనిఖీలు సాగుతుండగానే దోస్త్‌ ప్రక్రియ ప్రారంభమైంది. దీనిపై ‘ఇటు తనిఖీలు.. అటు దోస్త్‌ నోటిఫికేషన్‌’శీర్షికతో ‘ఈనాడు’లో మంగళవారం కథ నం ప్రచురితమైంది. స్పందించిన వర్సిటీ అకడమిక్‌ ఆడిట్‌ సెల్‌ డైరెక్టర్‌ ఆచార్య చంద్రశేఖర్‌ ఓ ప్రకటన విడుదల చేశారు. సౌకర్యాలు లేని ప్రైవేటు డిగ్రీ, పీజీ కళాశాలకు ఇప్పటికే ఏడాది సమయం ఇచ్చామన్నారు. మళ్లీ 15 రోజులు సమయమిచ్చామని అప్పటికీ చర్యలు తీసుకోకుంటే పేర్లను ‘దోస్త్‌’కు ప్రతిపాదించమన్నారు. ఇన్‌ఛార్జి వీసీ, రిజిస్ట్రార్‌తో చర్చించి తుది నిర్ణయం తీసుకుంటామన్నారు.