కాంగ్రెస్‌ పేద ప్రజలకు అండగా నిలుస్తోంది

రామారెడ్డి: కాంగ్రెస్‌  పేద ప్రజలకు అండగా నిలుస్తోందని ఆ పార్టీ  మండలాధ్యక్షుడు లక్ష్మా గౌడ్ అన్నారు. గురువారం ఈసన్నపల్లిలో ఎంపీ అభ్యర్థి సురేష్ షెట్కార్ కు మద్దతుగా ప్రచారం నిర్వహించారు. ఈ సందర్భంగా ఆయన మాట్లాడుతూ కాంగ్రెస్ పార్టీ పేదల సంక్షేమానికి ఎన్నో పథకాలను అమలుచేస్తుందన్నారు. హస్తం గుర్తుపై ఓటు వేసి కాంగ్రెస్ ఎంపీ అభ్యర్థులను భారీ మెజారిటీతో గెలిపించాలని ఓటర్లను కోరారు. ఆయన వెంట  గిద్ద ఎంపీటీసీ సభ్యుడు ప్రవీణ్ గౌడ్, ఈసన్నపల్లి గ్రామ అధ్యక్షుడు లింగం, సీనియర్ నాయకులు లింబాద్రి, గంగాధర్, కిషన్ గౌడ్, తూర్పు రాజు, ఇర్ఫాన్, గోపి తదితరులు ఉన్నారు.